!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

СДСМ: Интервју во 100 продолженија да направи Груевски, тоа не менува ништо за него


       
Скопје, 5 јануари, 2017 - 15:47 (META) 

„Интервју во 100 продолженија да направи Груевски, да го помножи со 100 лицемерството кон граѓаните што ги потцени, ништо не менува тоа за него“, се вели во реакцијата на СДСМ во врска со „мегаинтервјуто“ на лидерот на ВМРО-ДПМНЕ, Никола Груевски, за интернет-изданието на неделникот „Република“.

Од СДСМ велат дека мнозинството, повеќе од 612.000 македонски граѓани, на изборите на 11 декември го поддржале концептот на заедништво, наспроти концептот на поделби на досегашната власт.

„Граѓаните одлучија – доста е од политичари како Никола Груевски кој им ги уништи животите, ги делеше, поттикнуваше омраза, нетрпеливост меѓу луѓето, меѓуетнички провокации и сега сака да ја изолира Македонија од светот, за да се обиде да се спаси од одговорност. Тоа што Груевски и последните денови во политиката ги употреби во настојувања да ја скара Македонија со светот, преку реториката на конфликт со преставниците на меѓународната заедница и државите пријатели на Македонија, е најниското, најдрското и најштетното што некој политичар ѝ го направил на државата“, стои во реакцијата од СДСМ.

Оттаму додаваат дека граѓаните од сите националности во земјава – Македонци, Албанци, Срби, Турци, Власи, Роми, Бошњаци порачаа дека „не дозволуваат повеќе никој да ги навредува, да ги дели, да ги лаже и да управува со нивните животи“.

„Никола Груевски е минато… Доаѓа нова одговорна влада на граѓаните на Македонија… Одговорни институции ќе се грижат за потребите на граѓаните, за нивната слобода, ќе обезбедат правда и правичност, и живот“, велат од СДСМ.