Одлуката на извршниот комитет на ВМРО-ДПМНЕ уште еднаш потврдува дека Никола Груевски се плаши и бега од слободни, фер и демократски избори, реагираат од СДСМ на одлуката на ИК на ВМРО-ДПМНЕ изборите да се одржат на 24 април.
„Груевски не сака прочистен избирачки список за да може да манипулира со фиктивни гласачи. Никола Груевски не сака слободни медиуми затоа што му треба медумскиот мрак што го создаде за да го крие криминалот на фамилијата во изминатите 10 години. Граѓаните на Македонија, освен фамилијата на Никола Груевски, немаат корист од одржување избори без претходно навремено прочистување на избирачкиот список и без навремена регулација за слободни медиуми. За СДСМ не се прифатливи избори без слободни медиуми и без прочистен избирачки спосок и на такви избори нема да учествува. СДСМ ќе продолжи да се бори за создавање фер и демократски услови за одржување на изборите, со сите демократски средства што ни стојат на располагање“, пишува во соопштението на СДСМ.
Од опозицијата велат дека ќе продолжат да се борат за слободна и демократска Македонија заедно со граѓаните.
