fbpx

СДСМ: Документ веќе има, Груевски може да се подготви единствено за опозиција

-

Никола Груевски може да се подготви единствено за опозиција и за соочување со правдата, ефектите од неговите документи граѓаните ги почувствуваа, се вели во реакцијата на СДСМ на интервјуто на лидерот на ВМРО-ДПМНЕ за „Канал 5“.

– Сега, пред целата домашна и меѓународна јавност има конкретен документ зад кој стојат околу 700.000 граѓани на Македонија. Тоа е програмата на новата реформска влада на унитарна Македонија, која гарантира квалитетен живот за сите граѓани, правда за сите, заедништво и реформи за евроатланските интеграции. Таа програма го разобличува Груевски и тоа го потресува, бидејќи му ги одзема сите лажни вести – стои во соопштението на СДСМ.

Од партијата нагласуваат дека Груевски мора веднаш да се повлече од насилната реторика, да престане да шири немир и поделби кај граѓаните за непостоечки теми и да ги малтретира луѓето да ги бранат неговите криминали.

– Тоа што тој го прави е неговата паника и хистерија пред соочувањето со одговорноста. Македонија мора да оди напред. Ќе има продолжение на конститутивната седница на Собранието, нов претседател на Собранието, мандат за составување влада и нова реформска влада. Така избраа граѓаните и тоа Груевски повеќе не може да го спречи – велат од СДСМ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...