!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

СДСМ: Ако не се закажат локални избори, ќе има блокада на целиот државен систем


       
Скопје, 21 април, 2017 - 9:55 (META) 

Блокадите во Собранието, поттикнувањето тензии меѓу граѓаните и насилства што водат кон целосна парализа на државата се погазување на Уставот и на правото во Македонија и загрозување на стабилноста, се вели во редовното утринско соопштение на СДСМ.

„Тоа се сериозни дела против државните интереси и секоја институција и поединец треба да знае дека повлекуваат сериозна одговорност. Ситуацијата дополнително ќе се влоши кога ќе престанат сите ингеренции на градоначалниците и на советите во општините, нови локални избори не може да се закажат без нов собраниски претседател и тоа ќе значи блокада на целиот државниот систем“, се вели во партиското соопштение.

Од СДСМ додаваат дека само новата влада може ја заштити унитарноста на Македонија, да обезбеди правда и квалитетен живот за сите, наспроти поделбите, изолацијата, економскиот крах и загрозувањето на мирот, кон што водат активностите на опозициската ВМРО-ДПМНЕ.