Економијата во шест земји од Западен Балкан во 2015 година ќе бележи зголемување од 1,3 проценти од БДП, освен во Србија, која втора година по ред ќе има економски пад, објави Светската банка.
Од сите шест земји, Македонија, пак, според прогнозите на Светската банка, ќе има најголем пораст во регионот од 3,5 отсто, по што следи Црна Гора со 3,4 , а по 3 проценти ќе има во Албанија и во Косово. Економијата во Босна и Херцеговина, каде што поплавите од минатата година направија штета од околу 15 отсто од БДП, ќе се зголеми за 1 отсто, додека во Србија ќе се намали за 0,5 отсто.
Светската банка прогнозира дека порастот на овие економии ќе се должи на надворешната побарувачка.
Во некои од балканските земји, како што прогнозира Светската банка, можно е да има пад на поддршката од јавноста за реформи.
