Американскиот генерал мајор Питер Герстен објави дека во воздушните напади во Сирија уништени биле 800 милиони долари во кеш, кои биле сопственост на Исламска држава.
„Би-би-си“ наведува дека Герстен, кој се наоѓа во Багдад, изјавил дека САД повеќепати на мета ги имале складиштата со пари на Исламска држава.
– Овој удар на нејзиното финансирање придонесува за зголемување на дезертерството за 90 отсто и за намалување на доаѓањето на нови борци – тврди Герстен.
Американското министерство за финансии во 2014 година ја нарече Исламска држава „најдобро финансирана терористичка организација“.
