Американскиот Стејт департмент, синоќа преку соопштение ги поздрави резултатите од вчерашниот референдумот во Македонија на кој граѓаните изразија поддршка за членство во НАТО и ЕУ со прифаќање на Договорот од Преспа меѓу Македонија и Грција.
„САД силно ја поддржуваат целосната имплементација на Договорот од Преспа, кој и овозможува на Македонија да го заземе заслуженото место во НАТО и ЕУ, и ќе придонесе кон регионалната стабилност, безбедност и просперитет. Со оглед на тоа што македонскиот Парламент сега започнува со разгледување на уставните измени, ги повикуваме лидерите да се издигнат над партиските политики и да ја искористат оваа историска можност да обезбедат посветла иднина за земјата како полноправен член на западните институции“, се наведува во соопштението од Стејт департментот, по одржувањето на референдумот во Македонија.
The U.S. welcomes the results of the Republic of #Macedonia’s Sept 30 referendum. We strongly support the Agreement’s full implementation, allowing Macedonia to take its place in @NATO and the EU, contributing to regional stability, security, & prosperity. https://t.co/FaBKpi7JaF pic.twitter.com/N9Ik6FyosI
— Heather Nauert (@statedeptspox) September 30, 2018
