fbpx

Руската рубља со рекодрен пад во однос на доларот и на еврото

-

Руската рубља забележа нов пад во однос на еврото и на американскиот долар, откако ОПЕК одлучи да не го намалува производството на нафта и покрај презаситеноста на светските пазари, пренесува „Радио Слободна Европа“.

Рубљата загуби 3,6 отсто од вредноста и сега за еден американски долар се добиваат 48,66 рубли, што е надминување за две копејки на претходното најниско ниво од 7 ноември, а за едно евро се добиваат 60,92 рубли.

Рубљата во текот на оваа година изгуби околу 30 отсто од својата вредност, најмногу поради западните санкции врз Русија, поради нејзината вмешаност во кризата во Источна Украина, но и поради падот на цената на нафтата на светски берзи.

Денешната одлука на ОПЕК, исто така, предизвика пад на цените на нафтата на рекордно ниско ниво во последните четири години.

Цената на суровата нафта од јуни годинава е намалена за една третина.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...