fbpx

Руска амбасада: Опасно е да се наметнуваат решенија покрај волјата на народот

-

Руската Федерација континуирано ја подржува безбедноста и стабилноста на Република Македонија како независна, суверена и територијално интегрална држава, се вели во соопштението на Амбасадата на Руската Федерација во Македонија.

Во соопштението се истакнува дека амбасадата е убедена дека излез од тешката внатрешно-политичка криза што ја зафати Република Македонија може да биде најден исклучиво во рамките на постоечкото уставно поле, врз основа на општопризнаените норми на демократското општество.

„Сите обиди да за замешување во овој процес однадвор, да се наметнат вакви или онакви решенија покрај волјата на народот на Македонија, се многу опасни и мора да бидат отфрлени од страна на светската заедница. Принципите на суверената еднаквост на државите, а немешање во внатрешните работи на други земји се од универзален карактер и нивното непочитување претставува грубо кршeње на меѓународно право. Ги сметаме за контрапродуктивни шпекулации на одделни политичари кои бараат причини на внатрешнополитичката криза во Македонија во ривалитет меѓу големите сили. Таквите констатации се слични со неодговорните тврдења на извесните милитантни политичари кои пред извесно време Република Македонија ја ставија ’на линија на огнот меѓу Вашингтон и Москва’“, се додава во соопштението.

Од руската амбасада ги осудуваат „обидите на надворешни сили да го злоупотребуваат факторот на комплицираните меѓуетнички односи за сопствени конјунктурни цели“ и сметаат тие се многу опасни за државата, дека им нанесуваат голема штета на темелните интереси на Република Македонија, како и на интересите на соработката и на стабилноста во регионот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од човек во воз не го прикажува Пригожин, ниту пак, докажува дека тој е жив

Иако човекот на фотографијата наликува на шефот на Вагнер, сепак на фотографијата има детаљ кој покажува дека не се работи за него. Како што пишува Њузвик, ушите на Пригожин се поинакви...