!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Русите за 48 часа убиле 304 исламски екстремисти во Сирија


       
Москва, 3 октомври, 2017 - 14:37 (META) 

Во воздушни напади на руските сили на позиции на Исламска држава на источниот брег на реката Еуфрат, за два дена се ликвидирани 304 екстремисти.

Во нападите се ранети 170 лица, соопшти портпаролот на руското министерство за одбрана, Игор Конашенков.

Тој додаде дека се убиени и седум команданти, вклучувајќи го и Абу Исљам ал-Казаки, кој ја координирал операцијата на ИД во долината на Еуфрат.

Во нападите е уништен и тренинг-центар за странски борци на ИД, три командни места, девет бази, осум тенкови, три артилериски системи, како и возила со оружје од голем калибар и четири магацини со муниција.