fbpx

Русија ја суспендира координацијата со САД во Сирија

-

Руското министерство за одбрана денеска соопшти дека ја суспендирало координацијата со САД во Сирија во т.н. „зони на деескалација“, откако американските сили соборија авион на сириската војска, јавуваат светските агенции.

САД и Русија имаат договор за избегнување инциденти во воздух помеѓу авионите на двете војски кои учествуваат во оепрациите во Сирија.

Министерството за одбрана на Русија навело дека го суспендира договорот откако американската војска потврди дека вчера соборила авион на сириските воздухопловни сили што ги бомбардирал бунтовничките сили, кои ја имаат поддршката и соработуваат со САД, во близина на градот Табка.

Од руското министерство соопштиле оти сметаат дека овој инцидент покажува дека Вашингтон намерно не се придржува до своите обврски од договорот.

Заменик-министерот за надворешни работи на Русија, Сергеј Рјабков, изјавил дека соборувањето на сирискиот борбен авион е „чин на агресија“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Реакции по одлуката Саудиска Арабија да го предводи форумот за правата на жените на ОН

Саудиска Арабија е избрана да биде претседавач со комисијата на Обединетите Нации што ја промовира родовата еднаквост, а одлуката е критикувана од групи за човекови права поради исклучително лошото...