Рускиот премиер Дмитриј Медведев денеска потпиша уредба за примена на дополнителни економски мерки против Турција, кои ќе стапат на сила на 1 јануари, соопшти денеска прес-службата на премиерот.
„Направивме листа на одреден вид услуги што на територија на Русија ги пружаат организации под јурисдикција на Република Турција, како и организации што ги контролираат граѓани на Турција или организации што се во надлежност на Република Турција, а кои се забранети од 1 јануари 2016 година“, се наведува во соопштението.
Во согласност со уредбата, Москва го забрани работењето во Русија за сите турски туристички агенции, хотели и компании што дваат услуги од областа на хотелиерството.
Забраната, исто така, се однесува на градежните работи, архитектурата и на дрвната индустрија.
Односите меѓу Москва и Анкара се влошија откако турските сили на 24 ноември го урнаа рускиот авион „су-24“ над Сирија.
Претседателот Владимир Путин во ноември потпиша уредба за воведување економски мерки против Турција, вклучувајќи и ограничувања што се однесуваат за работа, патување и за трговија.