fbpx

РСБСП: Летово најризичен е автопатот Кичево – Охрид

-

За време на летните одмори, најризичен е автопатот Кичево – Охрид, предупредуваат од Републичкиот совет за безбедност на патиштата.

На овој автопат фреквенцијата на возила е драстично зголемена поради големиот број странски и домашни туристи што одмораат на Охридско Езеро.

Истовремено, се гради новиот автопат Кичево – Охрид, чија траса на многу делници минува паралелно со сегашниот пат, а не е секаде соодветно обезбедена.

Овој месец, во една недела, на овој автопат се случиле две тешки сообраќајки, во кои повреди добија осум лица, меѓу кои и странски државјани.

„Доколку решите на летување да заминете со сопствен автомобил, за да ги намалите ризикот и опасноста од сообраќајки, прв чекор е да се придржувате кон советите од надлежните. Најважно од сè е да останете будни и одморени и да ја проверите техничката исправност на возилото пред да тргнете на пат“, потсетуваат од РСБСП.

Со апел излегоа и од Општинскиот совет за безбедност на сообраќајот на патиштата, од каде повикаа сите да придонесаат за унапредување на сообраќајната превенција, за да се намалат ризиците во сообраќајот и можностите за сообраќајни незгоди, да се подигне сообраќајната култура и јавната свест кај сите категории учесници во сообраќајот од потребата за почитување на сообраќајните правила и прописи.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Изложба „Уметници и бегалци“ во Чифте Амам

Изложбата „Уметници и бегалци“ ќе се отвори во вторник (2 aприл) во Националната галерија Чифте Амам во скопската чаршија. Делата на изложбата се инспирирани од сведоштва кои биле директно раскажани...