fbpx

Рот: Не ставајте црвени линии, седнете и решете го спорот за името

-

Македонија и Грција да не поставуваат црвени линии и да направат се за да го решат спорот за името, порача државниот министер за Европа во германското министерство за надворешни работи, Михаел Рот, на дебата во Фондацијата „Фридрих Еберт“ во Берлин.

– Мошне сум задоволен од гестовите во рамки на мерките за градење доверба кон земјата, за која сум особено загрижен, Грција. Спорот, кој еднаш го нареков провокативен и кој освен Атина и Скопје, никој не го разбира, мора да се реши. И сторивте многу, нешто што не успеаја да го направат претходните влади. И ве молам ова што ќе ви го кажам не сакам да звучи шокантно. Согласно моето досегашно ограничено политичко искуство ви велам: Не ставајте црвени линии! Седнете заедно и разговарајте – рече Рот, на дебата на тема „Од предизвици до перспективи: Демократските реформи и eвро-атлантска интеграција на Република Македонија“.

Инаку, главен говорник на дебата беше македонскиот премиер Зоран Заев, а на неа учествуваше и претседателот на Фондацијата, Курт Бек.

Рот предупреди дека постои можност за затворање на „прозорецот на можности, кој во моментот е отворен“.

– Обединетите нации се способни за водење на овој процес, со вашата конструктивна поддршка и со поддршката на грчката влада за успешна интеграција. Сега прозорецот на можностите е отворен, но наскоро ќе се затвори – рече Рот, додавајќи оти германската влада е подготвена да помогне дококу тоа е потребно.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЕУ воведе санкции кон Русија поради смртта на Навални

Вчера Европската Унија одговори на смртта на рускиот опозиционер Алексеј Навални со нови санкции, јавува ДПА повикувајќи се на дипломатски извори. Санкциите претходно ги најави шефицата на германската дипломатија Аналена...