fbpx

Ромите бараат да се повлече новиот правилник за социјална помош

-

На денешниот протест пред Владата, Ромите побараа јавно извинување од Гордана Јанкулоска, министерката за внатрешни работи, по објавувањето на снимените разговори во кои се слуша како, за време на предизборната кампања, министерката предлага Ромите да се извадат на гласање така што ќе бидат влечени за уши, објави „А1 он“.

Акиф Кариман, од Здружението „Романо авази“, ѝ порача на министерката да се одважи, па макар и да негира дека тоа е нејзиниот глас на снимките.

– Очекувам министерката во најмала мера да се одважи за тоа што го слушнавме во објавените снимки. Па макар и да каже дека тоа не била таа – рече тој.

Ова здружение по марширањето од Топанско поле, до Владата достави барање за подобрување на условите во кои живеат Ромите. Тие бараат да се укине правилникот за социјална парична помош затоа што, како што велат, од оваа помош преживуваат голем број Роми.

– Верувам дека новиот правилник за социјална парична помош најскоро што може ќе биде укинат затоа што претставува најголем проблем за ромската заедница. Голем број Роми се корисници на социјална помош и нема како да преживеат затоа што помошта им е укината – рече Кариман.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...