fbpx

Ристовски: Укинувањето на екстерното не е реформа туку е антиреформа

-

Намерата на СДСМ да го укине екстерното тестирање не е реформа, туку антиреформа и претставува додворување на дел од родителите кои се третираат само како потенцијални гласачи, а не и како луѓе на кои државата треба да им обезбеди подобро образование за нивните деца и да бидат поуспешни во животот, изјави денеска Спиро Ристовски од ВМРО-ДПМНЕ.

– Екстерното тестирање е тестирање на реално стекнатото знаење. Тестирање на знаење кое постои во сите напредни земји и секаде, како и кај нас, претставува одреден стрес за ученикот, како што, впрочем, претставува секој тест, но тоа не е голгота туку неопходен дел од образовниот процес. ВМРО-ДПМНЕ го воведе екстерното тестирање како одговор на една појава која почна во периодот на транзицијата, а се манифестираше преку масовно пишување највисоки оценки без да се обезбеди дека ученикот има доволно стекнато знаење за таа оценка. Ставот на ВМРО-ДПМНЕ секогаш бил дека целта на образованието не треба да бидат високи оценки и дипломи без знаење. Партиите не треба да се пазарат со овие приоритети и со спуштање на критериумите да се обидат да им се допаднат на родителите или учениците – вели Ристовски.

Ристовски нагласи дека една партија која се бори за подобра иднина на младите треба да биде подготвена и за реформи кои не се популарни.

– Реформи кои може да ѝ нанесат политичка штета, но долгорочно ќе создадат услови за високо образовани граѓани, кои со стекнатото знаење ќе си обезбедат поквалитетен, поудобен и побогат живот, но и исполнетост поради успесите базирани на знаење. СДС со планот за укинување на екстерното тестирање ја враќа назад Република Македонија – додаде Ристовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...