Градските власти во Рим воведуваат рестрикции на вода поради незапаметена суша, бидејќи ова лето паднало за 70 проценти помалку дожд од просекот. Рестрикција на вода ќе има во вечерните часови до крајот на септември.
Властите најавуваат дека од овие рестрикции особено ќе бидат погодени горните катови на зградите, поради слаб притисок.
Ситуацијата со водата во Рим е тешка, а во последните три месеци биле санирани 1.300 цевки за да се спречи губењето на водата во преносот до потрошувачите, пишуваат италијанските медиуми.
Некои фонтани се затворени уште од јули, а градоначалничката Вирџинија Раџи најавила затворање на други.
