Државниот врв на Албанија денеска преку социјалните мрежи го поздрави усвојувањето на Законот за употреба на јазиците во македонското Собрание.
Албанскиот премиер, Еди Рама на „Твитер“ напиша дека усвојувањето на Законот за употреба на јазиците претставува „историско постигнување за Албанците, коj ја демократизира и зајакнува Македонија“.
Miratimi nga parlamenti në Shkup i ligjit të gjuhës shqipe një arritje historike për shqiptarët që demokratizon e forcon vetë Maqedoninë🇦🇱🇲🇰
— Edi Rama (@ediramaal) January 11, 2018
Претседателот на Албанија, Илир Мета кој од денеска е во службена посета на Словенија, на „Фејсбук“ наведе дека станува збор за важен чин, не само за Албанците, туку и за европската иднина на Македонија.
„Драги пријатели, само што стигнав на аеродромот во Љубљана ја добив среќната вест дека македонскиот Парламент го усвоил законот за употребна на албанскиот јазик. Тоа е значаен акт не само за Албанците туку и за европската иднина на Македонија“, напиша Мета.
