This page was exported from Meta.mk [ http://meta.mk ]
Export date: Mon Oct 15 12:53:48 2018 / +0000 GMT

Рама: Двајца прогресивни лидери испишаа историја, Балканот сега е подобро место




Двајца прогресивни лидери на соседните земји денеска испишаа историја и им покажаа на ЕУ и на светот како волјата и подготвеноста да се надмине минатото може да пронајде простор за иднината кога изгледа дека таков простор нема, напиша албанскиот премиер Еди Рама вчера на својот Твитер-профил, честитајќи им на македонскиот и на грчкиот премиер Зоран Заев и Алексис Ципрас за постигнатиот договор за спорот за името.

„Честитки, Балканот денеска е подобро место благодарение на двајцата вас“, напиша Рама на англиски јазик. Договорот преку својот Твитер-профил го поздрави и албанскиот министер за надворешни работи, Дитмир Бушати, честитајќи им на македонскиот и на грчкиот колега, но и на македонскиот вицепремиер за евроинтеграции, Бујар Османи.  





„Честитки за нашите соседи и пријатели за постигнување решавачки договор за спорот за името. Тоа отвора пат не само за едно земја, туку за целиот регион, кон Евро-атлантското семејство. И покрај сите пречки, дипломатијата дејствува“, напиша Бушати.
Post date: 2018-06-13 12:37:31
Post date GMT: 2018-06-13 10:37:31
Post modified date: 2018-06-13 12:37:31
Post modified date GMT: 2018-06-13 10:37:31
Powered by [ Universal Post Manager ] plugin. HTML saving format developed by gVectors Team www.gVectors.com