fbpx

Во престрелка во ноќен клуб во Синсинати, едно лице загина, а 15 се повредени

-

Во престрелка во ноќен клуб во американскиот град Синсинати во сојузната држава Охајо едно лице е убиено, а најмалку 15 се повредени. Полицијата соопшти дека во престрелката учествувале најмалку пет напаѓачи.

– Иако мотивите за нападот засега се нејасни, нема причина за сомневање дека станува збор за тероризам – соопшти Ерик Франк, претставник на полицијата во Синсинати.

Пукањето во ноќниот клуб „Камео“ се случило нешто по 1 часот по полноќ по локално време.

https://twitter.com/Forever_Lucid/status/845931966495166466

Неколку лица од повредените подлегнале на хируршки интервенции, а некои се во животна опасност.  Полицијата сè уште нема приведено осомничени за инцидентот, но во тек е испрашување на сведоци.

Помошникот на шефот на полицијата, Пол Нојдигејт, опишува „хаотично место на злосторството“ и наведува дека полицијата трага по очевидци.

– За жал, многумина побегнаа откако се случи инцидентот, но истражуваме кого сè можеме да идентификуваме – рече Нојдигејт.

За време на пукањето, во ноќниот клуб се наоѓале неколку стотини лица.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...