Француски војник отворил оган откако е нападнат со нож во центарот на Париз, кај познатиот музеј „Лувр“.
Светските агенции јавуваат дека војникот застрелал човек кој, наводно, се обидел да влезе во музејот носејќи торба.
Француските медиуми наведуваат дека напаѓачот е погоден во нога и оти дел од „Лувр“ и од трговскиот центар „Карусел“ се евакуирани и опколени од безбедносни сили, како и дека ситуацијата е безбедна.
Something is going down at The #Louvre 30 National Police vehicles with guns drawn pic.twitter.com/kpLTCtVdZN
— 🎙 VoiceB0xx (@VoiceB0xx) February 3, 2017
Засега не е јасно дали до пукањето дошло во галерија или на некој влез во комплексот, затоа што локалните медиуми не објавуваат поопширни информации.
Полицијата ја истражува содржината на торбата, а министерството за внатрешни работи објави тревога и го оцени инцидентот како „сериозен случај на загрозување на јавната безбедност“.
Evénement grave de #sécurité publique en cours à #Paris quartier du #Louvre, priorité à l'intervention des forces de sécurité et de secours pic.twitter.com/PxTLacJk7a
— Ministère de l'Intérieur (@Place_Beauvau) February 3, 2017