!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Прв македонско-полски форум на жени претприемачи


       
Скопје, 16 јуни, 2017 - 13:54 (META) 

Прв македонско-полски бизнис-форум на жени претприемачи ќе се одржи во Варшава од 28 јуни до 1 јули.

Целта на форумот е да се создадат поблиски контакти за отворање можности за економска соработка, промоција на македонскиот извоз во Полска и за привлекување потенцијални странски инвестиции од Полска.

Исто така, ќе се согледуваат полските искуства од користењето на структурните фондови на ЕУ и можностите за заедничко настапување на компаниите од Македонија и од Полска на двата пазари, како и во трети земји, а сето тоа со фокус на жените претприемачи.

Бизнис-форумот ќе се одржи во просториите во МНР на Полска, а ќе учествуваат жени претприемачки, менаџерки, раководтелки и лидерки од Македонија и од Полска.