Германската полиција соопшти дека неколку пожари се подметнати на влезот на саемот во Хамбург, каде следната недела ќе се одржи состанок на министрите за надворешни работи на ОБСЕ, а во јули следната година самитот Г20.
Пожарите, како што наведе полицијата, доцна синоќа ги пријавиле очевидци, а на влезот на саемскиот простор се пронајдени неколку запалени контејнери, еден мотоцикл, гуми и парчиња стакло, додека прозорците биле искршени со камења.
Очевидците пријавиле дека пожарот бил подметнат од група од 30 до 50 маскирани лица, кои побегнале пред полицијата да пристигне, а одговорноста за предизвикување на инцидентот ја презеде група под назив „Не ОБСЕ, не Г20“.
Шефовите на дипломатија на земјите членки на ОБСЕ на 8 и 9 декември ќе имаат самит во Хамбург.
#OSCE summit venue in #Hamburg set on fire in likely politically-motivated attack (VIDEO) https://t.co/9YiDGkJadS pic.twitter.com/u3WPhRUocW
— RT (@RT_com) November 27, 2016
