Протест за случајот „Монструм“ пред Кривичен суд


       
Скопје, 26 април, 2018 - 15:19 (META) 

Стотина граѓани побараа правда за случајот „Монструм”, односно затворање на убијците на момчињата кај Смилковското Езеро, на денешниот протест пред Кривичниот суд во Скопје.

Со транспаренти „Колку субвенции земаа монструмите” и „Спиеш ли мирно, Заев?” демонстрантите побараа конечно да се разреши случајот „Монструм” и убијците на момчињата кај Смилковското Езеро да завршат в затвор.

Претходно родителите на убиените момчиња рекоа дека нема да присуствуваат на протестот и побараа смртта на нивните деца да не се злоупотребува.