При претресот на куќа и помошни простории на двајца осомничени во Арачиново, вчера биле пронајдени околу 150 килограми разновидни материи, за кои се претпоставува дека се наркотични дроги, соопшти Основното јавно обвинителство (ОЈО) – Скопје.
Обвинителството учествувало во акцијата спроведена од СВР Скопје и Секторот за недозволена трговија со дрога, оружје и опасни материи на Криминалистичка полиција. По наредба на надлежен јавен обвинител, пронајдениот материјал е предаден за вештачење во МВР.
СВР Скопје појасни дека биле пронајдени 120 килограми марихуана, 100 грама хероин, како и 100 грама кокаин.