Седницата на Собранието на Република Македонија на која треба да се расправа за разрешување на републичкиот јавен обвинител, Марко Зврлевски, ќе продолжи денеска во 11 часот. Претседателот на Собранието, Талат Џафери, во четвртокот ја прекина оваа седница откако двајца од координаторите побараа пауза и го најави нејзиното продолжение за петокот, но тоа не се одржа.
Денешното продолжение би требало да почне со точката која беше на дневен ред во четвртокот – oдлука за давање согласност на општите акти на Народниот правобранител, по што следува расправата за разрешувањето на Зврлевски.
На дневниот ред се и годишни извештаи на некои агенции, како и предлог-законот за зголемување на породилното отсуство на 18 месеци.
