fbpx

Продолжува „расправата“ за разрешувањето на Зврлевски

-

Расправата за предлогот за разрешување на Јавниот обвинител на Република Македонија, Марко Зврлевски, Собранието на Република Македонија ќе ја продолжи денеска во 11 часот.
Во вчерашното, 11-то продолжение на 6-та седница, покрај меѓусебните реплики, контрареплики и пофалбите за работата на јавниот обвинител, пратениците од ВМРО-ДПМНЕ и коалицијата „За подобра Македонија“ рецитираа поезија и раскажуваа вицови на сметка на новите кадровски решенија на власта во државните институции.

Пратеникот на опозициската партија, Иван Иванов од говорницата раскажа виц со кој  сакаше да потенцира дека власта ги распродава националните заради своите лични интереси, додека неговиот сопартиец, Димитар Стевананџија ја рецитираше „Тешкото“ од Блаже Конески, поради тоа што за директор на „Танец“ е назначено лице со средно градежно образование.

Пратениците од владејачката СДСМ и вчера не учествуваа во дебатата. Пратеничката Фросина Ременски одржа прес-конференција во Собранието на која ги повика пратениците од ВМРО-ДПМНЕ да не го блокираат законодавниот дом со празни реплики и контрареплики, затоа што така им нанесуваат штети на граѓаните.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...