fbpx

Продолжува комисиската расправа за ребалансот на буџетот, ВМРО-ДПМНЕ повторно го критикува

-

Собраниската Комисија за финансирање и буџет денеска деветти ден расправа за ребалансот на буџетот, т.е, за предлогот за изменување и за дополнување на буџетот за 2017 година, како и за предлог-законот за дополнување на Законот за извршување на буџетот за 2017 година, по скратена постапка. Овој текст е во второ читање, односно следниот чекор би бил гласање за него на општа собраниска седница.

ВМРО-ДПМНЕ и денеска реагираше за ребалансот на буџетот и во соопштение порача дека со новиот буџет се предвидени многу помалку пари за битни работи, обвинувајќи дека СДСМ и оваа измена ја злоупотребува за партиски цели.

„Тие и буџетот го ставија во улога на алатка за партизирање на државата. Имено, со новиот буџет кратат средства за капитални инвестиции, нема зголемување на пензии и на социјална помош, нема зголемување на платата за 5 проценти за вработените во администрацијата. Се кратат милиони евра за реформи во судството и во полицијата, стотици милиони денари за канализации и за водоводи, се кратат пари за центри за социјална работа, се кратат 1 милијарда денари за образованието, за студентски домови, за универзитети и уште десетици и десетици други проекти во интерес на граѓаните“, се вели во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...