Приведени се возачот на автобусот кој на 13 февруари се преврте на автопатот Скопје – Тетово, кај селото Ласкарци, при што животите ги загубија 15 лица, а 31 беа повредени, како и сопственикот на компанијата „Дурмо Турс“, јави „Порталб“. Покрај нив се приведени уште четири лица.

Несреќата се случи откако од засега неразјаснети причини, автобусот ја пробил заштитната ограда, излетал од патот и се превртел.

Основното јавно обвинителство Скопје во 10.30 часот на прес-конференција ќе ги соопшти сите детали од досегашната истрага.