fbpx

Приштина ќе ги преоцени своите односи со Белград по апсењето на Харадинај

-

Шефот на косовската дипломатија, Енвер Хоџај, синоќа соопшти дека официјална Приштина веќе презела соодветни мерки кон Србија и дека тоа повторно ќе го стори во иднина, откако поранешниот косовски премиер Рамуш Харадинај беше уапсен во Франција по потерница издадена од Белград.

– Вчера презедовме реципрочни мерки против српскиот претседател Томислав Николиќ и тоа повторно ќе го направиме во иднина. Треба да има ревизија на нашите односи со Србија и ревизија на дијалогот – изјави Хоџај.

Тој истакна дека Србија го злоупотребува Интерпол и дијалогот меѓу Белград и Приштина во Брисел и оти српските власти издале и други меѓународни потерници за апсење на косовски државјани, ограничувајќи го нивното патување во странство.

Косовските опозициски партии повикаа на прекин на преговорите меѓу Белград и Приштина со посредништво на ЕУ.
Апсењето на Харадинај, командант на ОВК од војната во 1998-1999 година на Косово и косовски премиер во 2004-2005 година, во средата на аеродромот во Базел, ги зголемува тензиите меѓу двете балкански соседни држави.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од Макрон е креирана со вештачка интелигенција

Ако внимателно ја набљудувате фотографијата на Емануел Макрон, забележливо е дека е создадена од вештачка интелигенција. На пример, претседателот на Франција има неприродно долги прсти на десната рака, а...