fbpx

Прилепскиот суд ги отфрли сите 7 обвиненија против адвокатот Жарко Стеваноски

-

Основниот суд Прилеп ги отфрли последните три обвиненија кои против еден од водачите на „Шарената револуција“ во Прилеп, Жарко Стеваноски, ги поднесе СВР Битола, односно Полициска станица  Прилеп. Со тоа, прилепскиот адвокат е ослободен од сите седум поднесени обвиненија за наводно загрозување на безбедноста во сообраќајот за време на одржувањето на минатогодишните граѓански протести, пишува „Публикум“.

Коментирајќи ги пресудите, Стеваноски вели дека тие се доказ за непрофесионалноста и некадарноста на МВР, кое во изминатиот период, преку различни форми, врши континуиран притисок врз него.

– На ваков начин алатката за спроведување реваншизам против неистомислениците на локалната власт, а тоа е МВР, не само што докажа и покажа непрофесионалност и некадарност, туку директно предизвика штета по буџетот на РМ, на чиј товар паднаа трошоците за постапките, а кои надминуваат значителен износ. Покрај ваквите обиди, МВР низ сиот овој период врши притисоци изразени во други форми, со кои преку разобличување на незаконитото постапување и барање одговорност од службените лица од ПС Прилеп, се справувам на соодветен начин – вели Стеваноски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...