This page was exported from Meta.mk [ http://meta.mk ]
Export date: Thu Dec 13 18:43:04 2018 / +0000 GMT

Пратениците денеска ќе ги гласаат реформските закони




По гласањето за интерпелацијата за владата поднесена од ВМРО-ДПМНЕ, денеска на дневен ред во Собранието се реформските закони кои се носат со двотретинско мнозинство. На собраниската расправа и гласање ќе бидат присутни и пратениците на ВМРО-ДПМНЕ кои четири месеци ја бојкотираа собраниската работа, но најавија дека ќе ги поддржат законите од планот „3-6-9“ на владата.

На дневен ред на 34. седница е реформскиот Закон за судовите, на 35-та се дополнувањата на Законот за јавното обвинителство и Законот за кривична постапка, во второ читање, а на 22. седница има една заостаната точка, измени и дополнувања на законот за Заштита на сведоци, по скратена постапка.

Закажана е и 41. седница на која на дневен ред се дополнетите предлози на законите за Оперативно – техничка агенција и на законот за следење на комуникациите, двата во второ читање.

Реформските закони ќе се гласаат во пресрет на објавувањето на Извештајот на Европската комисија за напредокот на земјата на 17 април.
Post date: 2018-04-12 10:10:26
Post date GMT: 2018-04-12 08:10:26
Post modified date: 2018-04-12 10:10:26
Post modified date GMT: 2018-04-12 08:10:26
Powered by [ Universal Post Manager ] plugin. HTML saving format developed by gVectors Team www.gVectors.com