Пожарот кај селото Требовље, во близина на Македонски Брод, сè уште е активен и го гаснат хеликоптери на Армијата на Македонија, два „канадери“ од Дирекцијата за заштита и спасување (ДЗС), а на помош пристигнал и хеликоптер од Бугарија.
Пожарот попладнево се доближил до Лутоец и до селото Растеш, поради што биле евакуирани возрасна жена и болно дете.
Пожарот кај Требовље е активен две недели, а шумски пожари има во околината на повеќе села на територијата на целата земја, односно кај Девич, Грешница, Раштани, Сливник, Бузалково, Здуње, Таринци и кај Водовиште.
