Центарот за упраување со кризи соопшти дека пожарот во атарот на селото Требовље попладнево се приближил до селото. Противпожарните сили се на терен и се справуваат со огнената стихија.
Од ЦУК соопштуваат дека во текот на денот во гаснење на пожарот интервенирале екипи на ШС „Сандански“ – Македонски Брод, ДЗС Македонски Брод, ТППЕ Македонски Брод, лица од месното население и два хеликоптери од АРМ.
За гаснење на пожарот се упатени дополнителни сили од Струга и од Гостивар, а ќе се состане и Регионалниот штаб на Македонски Брод за да се преземат дополнителни мерки и активности.
