Пожар зафати 140 куќи во Јапонија, повредени две лица


       
Токио, 22 декември, 2016 - 11:26 (META) 

Во малиот јапонскиот град Итоигава избувна пожар кој зафати најмалку 140 куќи и други објекти, а медиумите наведуваат дека две лица се полесно повредени.

Итоигава се наоѓа на брегот на Јапонското Море, а пожарот бргу се проширил поради силниот ветер.
Локалните власти наложиле евакуација на 273 домаќинства, односно на 580 лица.

Агенција „Кјодо“ наведува дека пожарот избувнал во кинески ресторан и потоа се проширил.