!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Пожар во пловна нуклеарна постројка во Санкт Петербург


       
Санкт Петербург, 5 јули, 2017 - 9:53 (META) 

Пожар изби во пловна нуклеарна постројка која се гради во бродоградилиштето во Санкт Петербург, соопшти руското Министерство за вонредни ситуации.

Во соопштението се наведува дека пожарот е предизвикан од краток спој, кој е изгаснат пред некој да настрада.
Бродоградилиштето се наоѓа на околу два километри низводно од некои од најпознатите туристички локации во Санкт Петербург, меѓу кои и музејот „Ермитаж“.

Изградбата на постројката, која треба да биде преместена на далечниот исток на Русија, предизвика загриженост кај поборниците за заштита на животната средина.

Рашид Алимов од рускиот разгранок на „Гринпис“ рече дека денешниот пожар покажал дека плановите за уфрлање нуклеарно гориво во реакторите на постројката се неодговорни.