Единаесет лица загинале, а 21 лице се повредени во пожар кој синоќа избувнал во луксузен хотел во грузискиот град Батуми, на брегот на Црно Море, јавуваат светските медиуми.
Пожарот избувнал за време на вечерата, која била организирана по изборот на најубава жена на Грузија. Стотина учесници на натпреварот успеале да се засолнат на сигурно за време на пожарот.
Меѓу повредените се и еден израелски и 12 турски државјани.
Засега не се познати причините за избувнувањето на пожарот.
