fbpx

Повици до Иванов да му го одземе орденот на Орбан

-

Корисниците на социјалните мрежи денеска индивидуално пишуваа статуси со кои го повикуваат претседателот Ѓорге Иванов да му го одземе орденот „8 Септември“ на унгарскиот претседател Виктор Орбан, поради насилството врз мигрантите и новинарите на српско-унгарската граница.

Од кабинетот на Иванов ни соопштија дека засега немаат информација дали се размислува во таа насока.

И дневниот весник „Вест“ во утрешниот број, на насловната страница, го повикува Иванов да му го одземе орденот на Орбан.

Унгарскиот претседател изминатите неколку дена се најде на ударот на светските политичари и на јавноста поради затворањето на границите, користењето солзавец и водени топови врз бегалците и мигрантите, насилството врз новинарите, како и новиот контроверзен закон кој предвидува затворски казни и до пет години за бегалците и за мигрантите кои илегално ќе ја преминат границата или физички ќе ја оштетат оградата поставена на границата со Србија.

Орбан во 2013 година беше одликуван со орденот „8 Септември“ во знак на благодарност поради пријателскиот однос на Унгарија, за нејзината поддршка во исполнување на стратешки цели на Република Македонија, како и за принципиелниот однос кон уставното име.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...