!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Поведена истрага против лидерот на француската левица


       
Париз, 19 јули, 2017 - 10:09 (META) 

Обвинителството во Париз поведе уште една истрага против лидерот на левицата Жан-Лик Меланшон, поради наводното вработување асистенти.

Постои сомневање дека тој ги вработувал асистентите на фиктивни работни места во Европскиот парламент. Претставничката на обвинителството, Анјес Тибо, рече дека со истрагата, освен Меланшон, се опфатени уште 19 лица и нивни некогашни асистенти во ЕП.

Истрагата треба да утврди дали парламентарните асистенти, кои работеле за француските политички партии, незаконски биле плаќани со пари на ЕП.

Меланшон, лидер на партијата Непокорна Франција и жесток критичар на актуелниот претседател Емануел Макрон, ги негираше ваквите обвиненија.

Слична истрага се води и против лидерката на десничарската Национален Фронт, Марин ле Пен, која, исто така, ги отфрли ваквите наводи.