Интегративните процеси, соработката меѓу партиите и неопходноста од консензус околу реформските процеси биле во фокусот на средбите на лидерите на албанските парламентарни партии – Али Ахмети (ДУИ), Билал Касами (Беса), Мендух Тачи (ДПА) и Зијадин Села (Алијанса за Албанците) со еврокомесарот за проширување и за добрососедска политика, Јоханес Хан.
Лидерот на ДУИ, Али Ахмети, средбата со Хан ја оцени како многу важна и нагласи дека на неа го уверил еврокомесарот дека ДУИ стои цврсто зад сите договори што партијата ги постигнала и ги потпишала.
– Го уверив Хан дека ДУИ ќе опстои на сите договори што ги постигнала за коалиција и дека ќе ги преземеме сите чекори што се потребни за да бидеме што поблиску до реализацијата на сите прашања што нè доближуваат до Европската Унија – рече Ахмети.
Членовите на тимот на Хан на „Твитер“ соопштија дека Хан и лидерот на ДПА, Мендух Тачи, имале добра средба, на која било разговарано за претстојните предизвици за постигнување напредок на патот кон Европската Унија. Тачи не даде изјава по средбата со Хан и најави дека за неа ќе ги информира преку соопштение.
Good exchange with @MenduhThaci, #DPA, on challenges ahead in order to achieve progress on #EU path. pic.twitter.com/6WPuM9c0I5
— Annemarie Huber (@Huber62) June 26, 2017
На средбата со Касами било дискутирано за меѓупартиската соработка, реформскиот процес, потребата за национален консензус и за улогата на опозицијата.
Лидерот на Беса ја оцени средбата со Хан како добра, додавајќи оти се надеваат дека оваа Влада ќе биде навистина реформска иако „досегашните чекори не ја потврдуваат таа определба“.
– Ги дадовме нашите забелешки дека би сакале оваа влада навистина да биде реформска и Движењето Беса ќе ги поддржи понатаму сите процеси Македонија да се врати на нејзиниот евроинтеграциски пат – рече Касами.
Discussed with Bilal #Kasami, #BESA, cross party cooperation, reform process, necessity f. national consensus and role of opposition. pic.twitter.com/s7xX7q2SOy
— Annemarie Huber (@Huber62) June 26, 2017
Последна на агендата на Хан беше средбата со лидерот на Алијанса за Албанците, Зијадин Села.
Хан на „Твитер“ ги оцени како драгоцени средбите со политичките лидери, додавајќи дека со сите соговорници ја нагласил потребата од конструктивна соработка и од национален консензус за реформите во интерес на граѓаните.
Exchange with Z. #Sela, Alliance for Albanians, completed my valuable meetings with leaders of all political parties. 1/2 pic.twitter.com/D6mgnT1swi
— Johannes Hahn (@JHahnEU) June 26, 2017
Stressed with all interlocutors need for constructive cooperation and national consensus on reforms in the interest of the citizens. 2/2
— Johannes Hahn (@JHahnEU) June 26, 2017