fbpx

Поставени три нови мерачи на загадувањето, уште седум од следната недела

-

Страницата „Мој Воздух“ објави дека се додадени уште три мерни станици на мрежата „Airly“ лоцирани на плоштадот Македонија и во населбата Железарница, како и на Широк Сокак во Битола, а податоците од нивните отчитувања на параметрите на загадениот воздух се достапни на страницата.

„Airly“ сензорите се трет независен извор на податоци за квалитетот на воздухот во Скопје и во неколку други градови во државата, покрај мерните станици на „Палс еко“ (Pulse.eco) проектот и мерните станици поставени од Универзитетот „Гоце Делчев“ од Штип, чии податоци се објавуваат на страницата „МојВоздух“.

Зад поставувањето на сензорите „Airly“ стои приватна иницијатива на еко активистот Тони Никушевски, кој за „Мета“ изјави дека од следната недела ќе бидат поставени уште седум сензори за мерење на квалитет на амбиенталниот воздух во Скопје и во Тетово.

Минатиот месец Никушевски и се обрати на јавноста за помош во собирање на потребните средства за заокружување на бројката од 10 сензори чиешто поставување, според него, е предизвикано од загриженоста на голем број на граѓани од неработењето и лимитираноста на државните станици за мерење на квалитет на амбиенталниот воздух.

Неофицијално, дознаваме дека за поставување на „Ерли“ сензорите, кои, според Никушевски,  се ЕУ стандардизирани и признаени како релевантни во повеќе земји од Европската унија, биле заинтересирани и некои скопски општини.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Реакции по одлуката Саудиска Арабија да го предводи форумот за правата на жените на ОН

Саудиска Арабија е избрана да биде претседавач со комисијата на Обединетите Нации што ја промовира родовата еднаквост, а одлуката е критикувана од групи за човекови права поради исклучително лошото...