fbpx

Поставен камен-темелникот на првата црква во Карпош

-

Поглаварот на Македонската православна црква – Охридска архиепископија, г.г Стефан, го постави камен-темелникот и го освети местото каде што ќе се изгради црква „ Христос Спасителот“ во општина Карпош, зад трговскиот центар „Скопје сити мол“.

Градоначалникот на општината, Стевчо Јакимовски, им вети на граѓаните уште неколку цркви на територија на Карпош.

– Покрај овој свет храм, камен-темелник ќе поставуваме веќе наредната година во наслебата Влае, како и уште една црква во Козле, во близина на споменикот на Кузман Јосифовски Питу. Во потрага сме по локација за четврти храм на територијата на Карпош, и тоа во Карпош 1 и 2, и со тоа сметаме дека во најголем дел на подрачјето на Карпош, ќе биде покриено со православни божји храмови. Веруваме дека токму во нив сè почесто ќе се склучуваат бракови и ќе се крштеваат дечиња – рече Јакимовски.

Ктитор на храмот ќе биде Зоран Антиќ, а проектот е на фирмата „Синдикат студио ДОО“- Скопје.

Во населбите долж булеварот Партизански одреди, од Соборниот храм „Свети Климент Охридски“ во центарот на главниот град до црквата „Свети Петар и Павле“ во Ѓорче Петров, досега немаше друг храм на МПЦ-ОА.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...