fbpx

Поповски: Предлог-законот на СДСМ за медиумите е нашата „црвената линија“

-

Опозицискиот СДСМ нема да отстапи од своите позиции околу предлог-законот за медиуми што вчера им го достави на другите политички партии, потписнички на Договорот од Пржино. Според Роберт Поповски, член на преговарачкиот тим на СДСМ, тоа е нивната црвена линија во преговорите за регулацијата на медиумите.

– Нашиот став е јасен и прецизен, ние предложивме законска форма во која ги дефиниравме и уште еднаш ги потврдивме нашите позиции. Таа се базира врз предлогот на меѓународната заедница, кој е во согласност со размислувањата на опозицијата и на огромен процент од медиумската заедница, новинарскиот еснаф и сите луѓе што работат во оваа професија и во интерес на граѓаните на Република Македонија. Опозицијата нема да отстапи од регулација на медиумите што значи можност за граѓаните да добијат објективна слика за состојбата во државата. Тоа е црвената линија, која е во интерес на регуларни и фер избори и во интерес на демократскиот амбиент и која мора да се испочитува – изјави вечерва Поповски.

Тој додаде дека од нивниот предлог никој не траба да биде загрижен доколку си ја работи професијата така како што треба.

– Единствено можат да бидат загрижени тие што и сега ги кршат елементарните основи на новинарската професија – додаде Поповски.

Членот на преговарачкиот тим на ВМРО-ДПМНЕ, Илија Димовски, пред почетокот на денешната рунда преговори за медиумите во клубот на пратеници изјави дека неговата партија го отфрлила предлог-законот за медиуми на СДСМ. Тој го нарече предлог-законот „Гаргамел-закон“, истакнувајќи дека е противуставен, неевропски и дека го нема во ниту една држава во светот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...