fbpx

Попоски: Тирана и Приштина да не се мешаат во внатрешните работи на Македонија

-

Шефот на македонската дипломатија, Никола Попоски, денеска го оцени како непристојно и несоодветно мешањето на Албанија и на Косово во внатрешните работи на Македонија.

– Не е пристојно, ниту соодветно кога премиер или претседател од соседна земја директно се меша во внатрешни работи, особено не во период по демократски спроведени избори и пред формирање влада. Се испраќаат погрешни сигнали во регионот. Секако дека е опасен овој пристап во место со мултикултурна традиција. Многу е далеку од практиката на добрососедство. Доколку сите сме согласни дека иднината ни е во Европа, тогаш борбата е да обезбедиме стабилност, мир, правда и економски просперитет за сите граѓани. Секогаш сме биле крајно коректни во соработката со соседите. Најдобро ќе биде и тие да ни се придружат по тој пат, наместо да се поставуваат мини кои носат ризик за сите – одговори Никола Попоски во однос на прашањето за мешањето на Тирана и на Приштина во внатрешните работи на Македонија.

Реакцијата доаѓа по објавувањето на заедничката платформа на ДУИ, Движење Беса и на Алијанса за Албанците, која произлезе по средбите на лидерите на партиите со државниот врв на Албанија и на Косово.

Претходно, шефот на албанската дипломатија, Дитмир Бушати, изјави дека официјална Тирана не се меша во внатрешните работи на Македонија, но дека настанатата ситуација по предвремените парламентарни избори во Македонија е златна шанса за албанските партии да извршат притисок целосно да се спроведе Охридскиот договор.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...