Шефот на германската дипломатија, Франк Валтер Штајнмаер и неговиот македонски колега Никола Попоски, на средба во Брисел размениле мислења за актуелната политичка криза за земјава, твитна германското министерство за надворешни работи.
Повеќе детали за средбата засега не се соопштуваат.
Попоски е во Брисел на покана на Генералниот секретар на НАТО, Јенс Столтенберг, каде учествува на министерски состанок во рамките на Северно-атлантски совет и оперативните партнери во мисијата „Решителна подршка“.
Германското МНР вчера преку соопштение ја подзрави одлуката на Собранието за „повторно одложување“ на изборите и повика на спроведување на кредибилни реформи и побара итно повлекување на одлуката за аболиција на политичари што претседателот Ѓорге Иванов ја донесе минатиот месец.
FM #Steinmeier+Macedonian colleague @NikolaPoposki exchange views abt political crisis in #Skopje. FYR of #Macedonia pic.twitter.com/VboiTCpJ9W
— GermanForeignOffice (@GermanyDiplo) May 20, 2016
Специјалниот пратеник на шефот на германската дипломатија, Јоханес Хајндл со средбите со лидерите на ДУИ и ДПА, Али Ахмети и Мендух Тачи ја заокружи својата агенда од дводневната посета на земјава за изнаоѓање на решение за излез од политичката криза.
– Мојот став е ист со последното соопштение на високата претставничка на Европската Унија за надворешна политика, Федерика Могерини. Значи треба државните интереси да се стават над политичките – изјави Хајндл по средбата со лидерите на ДУИ и ДПА, во Тетово.
Тој вчера се сретна со претседателот, Ѓорге Иванов, спикерот на собранието Трајко Вељаноски и лидерите на ВМРО-ДПМНЕ и СДСМ, Никола Груевски и Зоран Заев.
