fbpx

Попоски и Јолевски на чело на македонската делегација на НАТО-самитот во Варшава

-

Делегација на Република Македонија, предводена од вицепремиерот и министер за надворешни работи, Никола Попоски, и од министерот за одбрана, Зоран Јолевски, ќе учествува на самитот на НАТО што денеска и утре се одржува во Варшава, Полска, соопштија од Министерството за надворешени работи.

„Министерот Попоски ќе се обрати на состанокот на шефови на држави и на влади посветен на Авганистан, а за време на самитот ќе оствари и повеќе билатерални средби“, стои во соопштението од МНР.

Претседателот Ѓорге Иванов минатата недела соопшти дека нема учествува на самитот, поради непочитувањето на пресудата на Меѓународниот суд на правдата и на Привремената спогодба со Грција.

„Претседателот Иванов беше на самитот во Лисабон во 2010 година и во Чикаго во 2012 година. Имавме надеж дека ќе се испочитува очекувањето на Меѓународниот суд на правдата, Грција да не го продолжи однесувањето кое е утврдено како нелегално, дека ќе бидат испочитувани пресудата и Привремената спогодба. Но, кога е јасно дека нема индикации за тоа, претседателот Иванов нема да присуствува на самитот на НАТО во Варшава“, беше наведено во соопштението од кабинетот на Иванов.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Изложба „Уметници и бегалци“ во Чифте Амам

Изложбата „Уметници и бегалци“ ќе се отвори во вторник (2 aприл) во Националната галерија Чифте Амам во скопската чаршија. Делата на изложбата се инспирирани од сведоштва кои биле директно раскажани...