Министерот за надворешни работи во заминување, Никола Попоски, денеска со специјалниот ополномоштеник на министерството за надворешни работи на Германија за Југоисточна Европа, Турција и за ЕФТА-државите, Кристијан Хелбах, разговараше за потребата од зајакнување на европската интеграција во насока на долгорочна стабилност и просперитет на регионот.
Како што соопштија од македонското МНР, Попоски истакнал дека енергијата дома и кај нашите партнери е неопходно да се насочи кон тоа Република Македонија да добие гаранции дека членството во ЕУ е достижна цел за оваа генерација македонски граѓани, во догледно време.
– Внатрешните предизвици во Унијата, мигрантската криза и заканите од екстремисти се добар потсетник за тоа колку сме ние поврзани со ЕУ – рекол Попоски.
Hа средбата била рeафирмирана поддршката од Германија на нашите напори кон европската интеграција.
