Да ја искористиме целата енергија во ЕУ-интеграцијата, да покажеме сериозност и да бидеме над дневните препреки, изјави министерот за надворешни работи, Никола Попоски.
– ЕУ-интеграцијата е најважна цел на Македонија околу која треба сите да бидеме сплотени. За Македонија ќе биде многу корисно да потроши што е можно повеќе енергија за ХЛАД и де факто почнување на преговорите затоа што нивниот недостаток не ја помага агендата на Македонија за интегрирање, ниту планот на Европа за регионот – рече Попоски пред почетокот на координативниот состанок на ниво на политички директори на Централноевропската иницијатива (ЦЕИ), што се одржува во Скопје по повод македонското претседавање.
