!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Полицијата не го нашла Сеад Кочан, МВР уште нема информација дали заминал од земјава


       
Скопје, 10 март, 2017 - 18:31 (META) 

Полицијата го побарала бизнисменот Сеад Кочан дома, но не го пронашла таму, објасни за „Мета“ портпаролот на Министерството за внатрешни работи (МВР), Тони Ангеловски. Тој рече дека во моментов уште нема официјална информација дали сопственикот на телевизија „Нова“ ја напуштил земјава.

За Сеад Кочан, Кривичниот совет на Основен суд Скопје 1 вчера попладне издаде решение за 30-дневен притвор, постапувајќи по жалбата од СЈО на одлуката на судија на претходна постапка од истиот суд да не изрече притвор.

Кога ќе го пронајде бизнисменот, полицијата треба да го спроведе во затворот „Скопје“, во населбата Шуто Оризари.