Голем број полицајци, меѓу кои и припадници на специјалните единици беа поставени кај Соборниот храм во центарот на Скопје за да спречат можен судир помеѓу демонстрантите на „Протестирам“ и поддржувачите на ГДОМ.
Откако заврши протестот пред Владата, демонстрантите од граѓанската иницијатива „Протестирам“ се упатија по булеварот Климент Охридски, каде беа спречени од полицискиот кордон бидејќи по булеварот Партизански одреди поддржувачите на ГДОМ се движеа кон автобусите со кои дојдоа од другите градови.
Полицијата се обидува да го спречи можниот судир меѓу демонстрантите од #Протестирам и од #ГДОМ, чиј протест заврши pic.twitter.com/H2YJUmxiAF
— META.mk (@meta_agency) April 21, 2016
Граѓаните им довикуваа „Каде ви се сендвичите“, Одете си во автобусите“, „Никола на робија“ и „Оставка“.
Немаше инциденти меѓу полицијата и демонстрантите, но имаше силни негодувања заради автобусите со поддржувачите на ГДОМ кои го напуштаа Скопје.
По кратко време тие си заминаа, а ситуацијата во центарот на Скопје е мирна.
Демонстрантите заминаа, полицијата полека се собира и го напуштаат просторот #протестирам #п pic.twitter.com/EtCJ7NvEOc
— META.mk (@meta_agency) April 21, 2016
